Skip to content
Artwork for 灣區判官[粤语]
Society & CulturePersonal JournalsLeisureHobbiesComedyImprov

灣區判官[粤语]

灣區判官 & 判官女郎

一檔以大灣區為坐標、用「判官」視角同你拆解熱點同生活嘅播客。


我唔係要高高在上咁審判邊個,而係想將值得講清楚嘅事擺上檯:灣區大小事、社會熱話、職場生存、文化差異、影視娛樂,仲有街坊老友记投稿嘅「疑難案件」,一單一單同你判讀。


呢度會有事實,也會有我嘅觀點;會有火氣,但唔會得個鬧。希望做到:犀利得嚟有分寸,貼地得嚟有料,講人話、講真話、講啲你聽完會諗多兩秒嘅話。


語言: 粵語為主,必要時普通話


訂閱、留言、投稿你嘅「案件」——下一集,判官可能就判你嗰單。


歡迎開庭!

Play
  • 20 episodes
  • daily
  • Avg 16 min
  • Chinese
  • #1
    Yesterday · 12 min

    [粤语]21-粤语唔睇膚色嘅 | 外國人都學粵語,我哋下一代呢?

    陳冠希《香港地》有句歌詞:「係同一種人,點解要將人睇低?」今集判官唔講政策,講人。 香港消防處有巴基斯坦裔兄弟簡華生同簡奧沙瑪,自幼喺香港長大,廣東話流利到可以喺火場指揮救援。2024年九龍有人企圖跳樓,事主係巴基斯坦籍,現場消防員語言不通,簡華生到場用烏都語安撫、用宗教角度勸導,成功勸返事主。佢嘅「優勢」,正正嚟自佢喺香港長大,同時了解少數族裔文化。 廣州小北嘅非洲街,有博主寫親身經歷:非洲商人用一口標準粵語問「要唔要加糖啊,靚女?」,隔壁黑人女士用比本地人仲流利嘅粵語同供應商砍價:「咁貴啊,平啲啦,大家都係老友嘛!」佢哋唔係嚟「入侵」文化,係將異鄉活成故鄉嘅樣子,用粵語吆喝、用廣式人情做生意。仲有喺廣州土生土長嘅巴西仔,一口地道粵語,聲調俚語正過好多本地後生仔。 但判官都要講一個現實:有啲人嚟到一個地方,唔尊重呢度嘅語言同文化,覺得自己嘅嘢先係唯一標準。呢種行為,同你係邊度人冇必然關係——你可以係外省人但努力學粵語,你係自己人;你可以係本地人但唔俾下一代講粵語,你同樣係喺度傷害粵語文化。要討論嘅係行為同態度,唔係戶籍,更加唔係膚色。 最令判官感慨嘅係:廣州「00後」學生能流利使用粵語嘅比例不足35%,而「90後」係72%;中山14至16歲學生僅14.26%能流利使用,近七成網友話身邊孩子已經唔會講粵語。有啲外國人努力學粵語、尊重粵語,我哋自己嘅下一代卻越嚟越唔識講。 守護粵語,唔係靠一塊牌匾、一場表演。係靠你喺屋企同小朋友講一句「食飯喇」,係靠你俾小朋友睇一套粵語動畫。語言係活嘅,你唔講,佢就死。你講,佢就喺度。 錄音製作| 灣區判官 聲音編輯| 判官女郎 聯絡方式| gba.hunter167@gmail.com � 你身邊有冇下一代已經唔識講粵語?

  • #2
    Friday · 12 min

    [粤语]20-爱我请留言 | 如果你仲記得 0909,我地仲未走散|TVB剧集

    「如果我問你,有哪一部港劇,裡面有許多經典對白,甚至有些直到今天你還記得的暗號……你會想起哪一句?」 是「輸入中」?是「倒垃圾」? 定係一碗令人念念不忘嗆「茄牛通」? 關於《愛我請留言》:2009 年9 月9 日的雨夜 故事從三個九的浪漫日子開始,卻在一場四級大火中轉折。 以前等一次留言,現在等一次已讀 智慧手機越來越普及,溝通工具也越來越方便。 0909,十年冇變 每年到左0909,總會收到一句:「0909 快樂。」 簡單的一句短信,代表著:「我仲記得,當年一齊睇過劇嗆我前。」 最好嘅仲未嚟 人生很長,也很不容易。 但正如「的士爸爸」所說的:「最好嘅仲未嚟。」 收聽本集節目 如果你也曾在某個深夜被這部劇治癒過; 如果你身邊也有那麼一個,每年0909 都會跟你說一句生日或暗號快樂的人; 或者,你只是想听聽屬於大灣區的日常呢喃 錄音製作 |該判官女郎 聲音編輯 | 判官女郎 聯絡方式| gba.hunter167@gmail.com

  • #3
    Thursday · 11 min

    [粤语]19-曾经嘅潮流,宜家嘅唏噓 | 廣州狀元坊 vs 香港葵廣:同一種唏噓

    最近去咗兩個地方,一個喺廣州,一個喺香港。兩個地方,表面九唔搭八,但行完之後,嗰種唏噓感係一樣嘅。 廣州狀元坊,全長得260米,最窄處兩米寬。90年代尾到千禧年初,呢度擠到你有時唔使自己行,人流會推住你走,所以有個花名叫「撞人坊」。放學約同學去狀元坊,淘貼紙相、打耳釘、殺價買條牛仔褲,用有限嘅零用錢,淘到一個屬於自己嘅潮流世界。但今次去到,大部分閘門拉晒,得返幾間美甲店喺度撐住,好多舖位已經變咗服裝倉庫。 香港葵涌廣場,曾經係「平民掃街天堂」,50蚊可以由街頭食到街尾。但而家二樓出現「吉舖巷」,一條巷17個舖位,7個係吉嘅。有做咗20年嘅檔主話,一年前條巷完全冇吉舖,而家逐間逐間執。 兩個地方,一個賣潮衫,一個賣小食,點解會行到同一條路?核心唔係「時代變了」四個字咁簡單。 當一個場嘅業權散到冇人話得事、冇人肯帶頭做規劃,佢就只會一路散落去。 灣區女郎今次特登帶咗部舊年代嘅DV機,喺狀元坊拍低咗啲片段。唔係為咗懷念,係為咗記錄——有啲嘢,你唔拍低,下一代就唔會知,原來呢度曾經咁旺。 想睇嘅話,記得留意我哋嘅小紅書。 錄音製作| 灣區判官 聲音編輯| 判官女郎 聯絡方式| gba.hunter167@gmail.com � 你屋企附近,有冇一個「以前好旺、而家靜晒」嘅地方?

  • #4
    November 15 · 1 hr 1 min

    [粤语]18-你以為係日本菜?原來日本人未必識!| 中日錯位飲食文化

    中國有幾多假日本菜?日本又有幾多假中華料理? 你有冇試過去日本旅行,滿心期待想食返平時最熟悉的芝麻八爪魚、中華海草,結果去到日本先發現,原來搵極都搵唔到? 又或者你有冇想過,日本中華料理店裡面經常出現的「天津飯」,其實未必同天津有任何直接關係? 今集《灣區判官》,判官與判官女郎就帶大家從餐桌出發,揭開中日飲食文化之間有趣的錯位! 由中國日式餐廳常見的芝麻八爪魚、中華海草、花之戀壽司,到日本人熟悉的天津飯、中華丼、日式辣醬蝦,究竟哪些是傳統菜式,哪些又是因應當地口味而發展出來的本地化料理? 今集還會聊到: � 日本壽司與中國日式壽司的差異:為甚麼我們熟悉的花之戀、中華沙律壽司,未必是日本傳統壽司? � 一蚊一件的希靈魚:由平民壽司聊到香港經典電視節目《超級無敵獎門人》,重溫「辣辣壽司邊個食」的集體回憶。 �️ Wasabi 的真正分別:日本山葵與市面常見的加工芥末,味道和製作方式有甚麼不同? � 天津飯到底是不是天津菜?:日本中華料理的代表菜式,為甚麼中國人未必認識? � 日本料理的本地化現象:從魚仔形醬油樽、壽喜燒到日式炸豬排,究竟甚麼才算真正的日本料理? 我們不打算單純爭論哪一種才是正宗,而是想從飲食文化的角度,看看一道菜如何隨着地域、文化和消費者口味而改變。 因為有時候,我們懷念的未必是最正宗的味道,而是伴隨自己成長的那份飲食回憶。 錄音製作| 灣區判官 & 判官女郎 聲音編輯| 判官女郎 聯絡方式| gba.hunter167@gmail.com 今集判決:食物可以冇國籍,但唔可以冇良心!

  • #5
    November 14 · 17 min

    [粤语]17-MK文化,究竟有几潮?古惑仔装备:诺基亚 | 潮流文化

    以前讀書嗰陣,總會見到班同學仔出街裝備齊全,似足去執行任務。而家諗返,其實幾好笑。 通訊方面,嗰時個個都用智能手機,但佢哋褲袋硬係會多一部舊款Nokia。唔係懷舊,係貪佢跌唔爛、唔會卡、待機一個禮拜,有咩事吹雞最可靠。 腰間,一定掛住一抽鎖匙。你以為用嚟開門?係以備不時之需,拳頭揸住匙齒,就係一個迷你指虎,合法自衛工具。 褲頭,攝住包煙,用件衫遮住。但個煙角好尖,行路坐低都會�住條腰。為咗唔俾訓導主任發現,每一步都係同自己肚腩嘅微型搏鬥。 仲有心口個名牌皮袋,條帶索到呼吸都有啲困難,因為打交嗰陣個袋唔可以揈嚟揈去。 腳上嘅窄腳褲,緊到塞唔落隻腳,坐低都要企返起身先得。個斜陰一定要遮住一隻眼,耳針放學換耳環,搞到發炎都要繼續。 最難忘嘅,係嗰啲「子彈仔」單車。車架短到似粒子彈,車尾裝住一對巨型喇叭,叫「車機」。一路踩一路大聲播謝霆鋒嘅《活著Viva》,真係未見其車,先聞其聲。由以前用CD機同水電池,到後來插手機就播得,嗰對喇叭,其實係用嚟話俾全世界知「我喺度」。 你以為佢哋準備緊一場大戰,其實最後嘅用途,可能只係喺便利店買包煙,然後喺街角吹水。你以前有冇試過咁樣出街? 錄音製作| 灣區判官 聲音編輯| 判官女郎 聯絡方式| gba.hunter167@gmail.com � 你以前有冇咁樣“裝備”過自己?評論區傾吓

  • #6
    November 13 · 9 min

    [粤语]16-非 遗 | 乜都話非遺,究竟非遗喺乜?| 我可唔可以申请?

    最近行商場有個奇景:負一樓嘅麵又話非遺,粉又話非遺,樓上五間火鍋,三間都話自己係非遺。你問佢係國家級定村級?冇人答到你。 睇到呢度,判官忽然有個大膽嘅想法:如果乜都可以申請,咁我可唔可以將廣東話粗口申請做非遺? 歷史夠耐、傳承夠廣、應用場景由街市到法庭都有,照計資格仲勁過好多餐廳。咁我呢條《灣區判官》頻道,係咪都可以申請做非遺? 不過講笑還講笑,真正嘅非遺,保護嘅係一門要守幾十年嘅手藝,唔係一塊貼上門口就當係嘅招牌。文化呢家嘢,傳喺把口,唔係傳喺個牌匾度。 錄音製作| 灣區判官 聲音編輯|判官女郎 聯絡方式| gba.hunter167@gmail.com � 你行商場有冇見過「乜都話非遺」嘅餐廳?

  • #7
    November 11 · 9 min

    [粤语]15-广东嘅冬天,你几时先肯嚟?| 羽絨買咗三年,標籤都未剪

    11月都仲熱到要開冷氣,呢個就係廣東嘅「冬天」。 細個嗰陣,10月中秋出街已經要披件薄外套;而家中秋?開住冷氣瞓覺。判官衣櫃入面有件The North Face羽絨,買咗幾年,標籤都未剪——唔係唔想着,係真係冇機會着。 所以想同大家分享一個小觀察:如果你唔係成日去旅行、唔係返鄉下探親,真係唔使特登買多過一件超級禦寒衣物。 買嗰陣覺得「今年實有機會着」,但廣東嘅冬天一年短過一年,最後只會變成搬屋時最重嘅嗰一袋。 同埋,呢個天氣最尷尬嘅位係:朝早涼,中午熱到暈,夜晚又涼返。 一日之內着衫除衫着衫除衫,好似做緊Gym咁。商場聖誕節擺假雪,你着住短袖行入去,望住部假雪機——嗰種荒謬感,真係要好有幽默感先頂得住。 你衣櫃入面,係咪都有一件「買咗但從來未着過」嘅冬天衫? 評論區話我知。 錄音製作| 灣區判官 聲音編輯| 判官女郎 聯絡方式| gba.hunter167@gmail.com

  • #8
    November 10 · 8 min

    [粤语]14-去旅行究竟喺想去放松定喺去俾人睇?| 为自己去一场旅行

    最近先發現,唔少人放假去旅行,節奏chur過返工。朝早六點起身趕景點,一日跑五個打卡位,影相、修圖、出post,然後趕下場。你問佢好唔好玩?佢話「好攰」。你問佢下次仲去唔去?佢話「下次去第二度」。 返到嚟,比返工更攰。你放咗個假,但冇放到鬆。 有陣時諗返,旅行本身係為咗唞氣,唔係為咗交功課。坐低飲杯嘢、行吓小巷、迷路吓,可能先係真正嘅「去旅行」。你覺得呢? � 你放假去旅行,係放鬆定係趕行程?評論區傾吓 (本集為個人體驗分享,唔構成任何建議。) 錄音製作| 灣區判官 聲音編輯| 判官女郎 聯絡方式| gba.hunter167@gmail.com

  • #9
    November 9 · 43 min

    [粤语]13-麦门永存 | 讲讲中日港嘅麦当劳究竟差别有几大!| 点解咧?

    同一個麥當勞,不同嗆命運! 香港M 記係「窮人恩物」與真摯愛情; 日本M 記係「限時」與靈魂缺失;內地M 記竟然係「噴射瀉藥」同「二仙硬幣咁大滴醬」? 今期《灣區判官》30分鐘大企劃,判官同女郎開堂審爆三地M 記文化差異! � 內地M 記奇觀:食完撻即屙?二仙硬幣咁大滴醬乾哽板燒雞腿包! � 日本M 記秘辛:竟然冇酸甜醬同脆香雞翼?期間限定係行銷套路? � 香港M 記情懷:$20巨無霸餐、麥難民、金鐘海富旗艦店嗆社會責任! � 替換方案:山姆安格斯漢堡到底有幾正? 錄音製作| 灣區判官&判官女郎 聲音編輯| 判官女郎 聯絡方式|gba.hunter167@gmail.com

  • #10
    November 8 · 11 min

    [粤语]12-新能源绿牌搞边科?| 粤车南下 鸳鸯牌?| 小米su7真系有设计

    最近「粵車南下」呢個話題好多人講,有車友興奮到話加掛咗塊白底黑字嘅香港FT牌之後,「顏值提升原來只需要一張FR車牌」。聽落好吸引喎,判官都差啲信咗。 但鏡頭一轉到車頭——上面嗰塊漸變螢光綠,依然穩如泰山咁掛喺度,下面緊貼住塊白淨淨嘅FT牌。你話呢個係「提升」,定係「一個著西裝嘅人,腳上蹬住對螢光綠洞洞鞋」?加條靚呔,唔會令件衫上面嗰撻污糟消失㗎喎。 有車主仲分享,為咗裝呢兩塊牌,師傅要將車牌「挪到犄角旮旯」先唔會擋住感應器,折騰咗三個鐘,師傅直頭嘆氣話「新能源車真難伺候」。為咗去香港食餐早茶,先喺架車度做三個鐘車牌工程,然後車頭仲要掛住兩塊顏色互相打架嘅牌——呢個唔係「顏值提升」,呢個係「花錢買多一份尷尬」。 錄音製作| 灣區判官 聲音編輯|判官女郎 聯絡方式| gba.hunter167@gmail.com � 你覺得車頭兩塊牌並排,視覺上收唔收貨?

  • #11
    November 7 · 16 min

    [粤语]11-讲解香港4大「江湖」 幫派 | 中学时代亲身经历 | 非专业分析

    以為拍《古惑仔》,原來係《中學生日常》 學生時代讀Band 3,見過最搞笑嘅一幕:一班同學仔喺班房度扮大佬,稱呼仲勁過《天若有情》——咩「二叔」、咩「世姪」,聽到你以為自己入咗片場。但現實係:所謂「入會費」平過杯檸檬茶,畀錢仲要驗屍咁驗張紙幣有冇起角。你話,呢個係江湖,定係便利店會員卡? 最諷刺嘅係,呢班「大佬」放學之後,唔係去劈友,係去食煙吹水;唔係去收保護費,係去便利店買嘢飲。有人叫佢哋出去「撐場面」,其實就係企喺度做人形佈景板,贏咗冇獎,輸咗留案底。 幾年後,班房清靜晒。當年嗰班「江湖中人」,好多都因為賭波賭錢進出監獄,錢又冇,光陰又冇。 電影還電影,現實還現實。你喺戲院睇到嘅「江湖」,喺現實入面,可能只係一個Band 3班房。 錄音製作 | 灣區判官 聲音編輯 | 判官女郎 聯絡方式| gba.hunter167@gmail.com

  • #12
    November 7 · 10 min

    [粤语]10-后生仔谂紧买层楼等退休?係咪太早?买唔买好啊

    買樓等退休,係咪一個好嘅安排? 我嘅睇法好簡單:而家住得著,先好諗; 如果買返嚟丟空等二三十年,就要諗清楚層嗆老化同維修問題。 深圳平均購屋年齡37.7歲,廣州25至30歲上車佔近四成。 你買嗆係「而家嗆生活」,定係一個「二、三十年後嗆想像」? 錄音製作| 灣區法官 聲音編輯| 判官女郎 聯絡方式| gba.hunter167@gmail.com � 歡迎喺評論區分享你嘅睇法

  • #13
    November 6 · 19 min

    [粤语]9-重温TVB美食剧!盤點 4 部陪伴大家長大嘅童年回憶

    你有冇試過深夜一邊食宵夜,一邊播住幾十年前嘅 TVB 舊劇?� 女郎身為一個徹頭徹尾嘅「電視精」兼美食控,最近拉住我重溫咗 4 部經典 TVB 美食劇。點知我睇完真係忍不住要開庭審判! � 1.《金玉滿堂》(1999) 判官評分:8 分(唯一一部流暢看完的!) 審判理由:Bobby 歐陽震華演小人物逆襲冇得輸,江華演乾隆英氣十足!雖然女主後期有少少嘈,但至少人哋「真係有劇情」,麻婆豆腐同夫妻肺片睇到人流口水! � 2.《美味天王》(1997) 判官評分:3 分(全靠顏值硬撐) 審判理由:陣容勁到爆(古天樂、關詠荷、肥姐、宣萱),但劇情簡直係集體誇張大作!古仔當年咁靚仔,被劇本搞到成個呆萌傻仔咁,整嘢食整到好似打功夫,純粹賣懷舊! � 3.《情迷黑森林》(2005) 判官評分:5 分(半下飯半血壓飆升) 審判理由:法式甜品好精緻,但五毛錢特效真係好搞笑!打蛋糕比賽打到好似《龍珠》天下第一武道會咁:「呢個黑森林嘅氣場好強大!」——蛋糕嚟架咋! � 4.《和味濃情》(2008) 判官評分:4 分(浪費日料題材) 審判理由:以為睇「師奶殺手」陶大宇做壽司大師,點知重點全是家族恩怨加市井吵架。日式職人精神睇唔到,淨係睇到誇張感情線! 錄音製作| 灣區判官 & 判官女郎 聲音編輯|判官女郎 聯絡方式| gba.hunter167@gmail.com

  • #14
    November 5 · 11 min

    [粤语]8-预制菜!香港餐廳:我唔係預製菜,我係識曉飛嘅翻熱菜!

    預製菜唔係問題,「扮嘢」先係!做過餐飲批發,同你拆穿香港食肆「換袋」嘅遮羞布� 各位善信、各位食神,今日呢單案,判官真係忍唔住要開大火。好多人話:「判官,出面成街都係預製菜,有咩好講?」大佬,預製菜本身真係冇罪。 香港地租貴過貴妃,人工貴過請保鏢,一套餸喺廚房搞三粒鐘,租金都夠交幾個月水費。酒店同連鎖店用中央廚房、用半成品去控風險、求穩定,我明,真係好體諒。 但問題係——「扮嘢」先係大罪! � �️‍️ 判官今日同你逐層剝開三件陰濕事: 1️⃣ 師傅變咗「人肉微波爐」 以前請個大廚返嚟要睇功夫、睇手勢;而家? 2️⃣ 「香港製造」嘅魔術:大陸入貨,香港換袋 最過癮(最賤)係乜? 3️⃣你交緊嘅究竟係飯錢定業主租金? 一餐飯,香港收你一千,中山收你二百,食材明明差唔多,差喺邊? 錄音製作| 灣區判官 聲音編輯|判官女郎 聯絡方式| gba.hunter167@gmail.com

  • #15
    November 4 · 17 min

    [粤语]7-我有广州病!功夫足球喺属于大家嘅童年 | 广州 | 东山口

    判官人生第一次揸車入廣州,唔係為咗飲茶 係為咗細個喺TVB睇張衛健《功夫足球》嗰個畫面——廣州奧林匹克體育場嘅陽光同灰塵,同TVB廠景完全係兩個世界。 今集判官唔審人,審一座城市:點解廣州地鐵啲人識先落後上,深圳啲人會夾硬推你上車?東山口啲潮牌點解可以咁癲,狀元坊又點解會沒落到似葵涌廣場?仲有,點解而家拍唔返《功夫足球》嗰種劇?判官嘅判詞係:廣州有病,但呢種病,深圳學唔到。 錄音製作| 灣區判官 & 判官女郎 聲音編輯|判官女郎 聯絡方式| gba.hunter167@gmail.com 歡迎喺評論區留言同我們一齊開堂審案!

  • #16
    November 3 · 8 min

    [粤语]6-深圳禁鸣首日实测:300蚊-绑得住4只辘嘅手,绑唔到2只辘嘅车头

    「撳一撳喇叭就三嚿水,成條街嘅司機即刻變到好撚乖……但電雞依然喺機動車道逆行狂飛!呢啲叫文明,定係叫荒謬?」 11 月 1 號,深圳「禁止鳴笛」正式殺到!判官今集親身揸車落街實測,發現成條街嘅四轆司機突然間集體「靜音」,連判官自己幾次想撳喇叭都忍手——大佬,撳一下就 300 蚊啊! 但呢種「乖」,到底係城市文明咗,定係純粹被罰款嚇到唔敢動?最離奇嘅係:四轆汽車嘅喇叭熄咗,電雞嘅「滴滴滴」仲喺度瘋狂飛馳!鋪好嘅非機動車道空空如也,電雞依舊喺機動車道逆行、闖紅燈、響喇叭。 今集《灣區判官》,判官開堂審一審呢場「300蚊買返嚟嘅乖,同電雞嘅狂」! 實測現場: 300 蚊罰款威懾力有幾大?連判官都差啲忍到內傷! 荒謬對比: 4 個轆嘅被管得死死地,2 個轆嘅繼續喺機動車道「量子力學移動」! 治標不治本: 修好嘅非機動車道冇人行,電雞逆行衝燈仲喺度「滴滴滴」? 判官爆爆氣: 你管得住司機按喇叭嘅手指,幾時先管得住電雞亂衝嘅車頭? 錄音製作| 灣區判官 聲音編輯|判官女郎 聯絡方式| gba.hunter167@gmail.com � 聽眾互動: 11月1號之後你喺深圳開車/行路感覺點?有冇被電雞嚇過?歡迎喺評論區留言同我們一齊開堂審案!

  • #17
    November 3 · 10 min

    [粤语]5-突发!17国呼吁囤粮 | 外星人真喺要降落地球 |真相竟然係…

    17 個國家加歐盟突發呼籲民眾囤糧72 小時至10 天! 英國3 日、德國10 日,連盲眼龍婆都預言2026 年11 月外星人將進行「第一次接觸」? 今期《灣區判官》獨角戲,判官Mean 爆拆解「末日恐慌」與荒謬現實! � 72 小時斷網斷電:現代人最驚嗆不開飯食,有閔WiFi 刷短片! � 納米樓囤糧奇觀:屋企連雙人床都放不落,要瞓喺罐頭山上面? � 外星人11 月降落?拿午餐肉罐頭去進行「第一類接觸」? 錄音製作| 灣區判官 聲音編輯|判官女郎 聯絡方式| gba.hunter167@gmail.com 今晚開庭:做好應急準備,但千萬不好被末日預言嚇死! 歡迎喺評論區留言同我們一齊開堂審案!

  • #18
    November 2 · 23 min

    [粤语]4-膽小慎入!亲身经历:误闯墓地结界 | 东京日暮里

    日本親身經歷!東京日暮里看似文青,背後竟然藏住巨大鬼結界? 判官深夜單車切入谷中墓地迷路,女郎跟 Google Maps 行小路遇到憑空消失嘅....! 仲有深夜 23:50 密室手機相冊驚現「靈體煙花相」,至今無解嘅夜行巴士荒山神社照…… � 日暮里結界實錄:深夜 10 點谷中墓地,踩咗 10 分鐘都搵唔出路! � 寺廟神秘和尚:指完路之後,轉身竟憑空消失? � iPhone 5 未解之謎:深夜密室瞓著咗,手機是誰拿去拍照? � 廢棄神社相片:夜行巴士上醒來,相冊多咗一張沒去過嘅荒山神社? 錄音製作 | 灣區判官 灣區女郎 聲音編輯 | 判官女郎 聯絡方式 | gba.hunter167@gmail.com 今晚開庭:去日本玩,夜路真係唔好亂行! 歡迎喺評論區留言同我們一齊開堂審案!(靈異相片已同步

  • #19
    October 31 · 7 min

    [粵语]3-古惑仔都撞鬼:城門水塘雞翼事件 | 萬聖節特輯

    萬聖節特輯!中學盂蘭節,成班有江湖背景、雕龍畫鳳嘅同學仔,上城門水塘燒嘢食。 一隻雞翼被風吹跌,同學燥底大叫:「係咪成隻雞翼都唔得呀?」 ——成晚冇風嘅水塘,即刻刮起邪風,吹跌成支兩公升可樂。 全場靜晒。 執嘢走,撥高瀏海露出額頭,行極都行唔到落山,好似入咗結界。返到市區,幾個同學即刻發燒。 最離奇係,嗰晚大叫嗰個同學,後來老家拆遷分咗兩千萬——好似《陰陽路》「一見發財」咁,無啦啦發咗達。 今期《灣區判官》萬聖節特別篇,判官講單親身靈異經歷! � 盂蘭節水塘燒嘢食:嘴賤亂講嘢,即刻刮邪風! � 鬼打牆入結界:撥高瀏海露額頭,行極都行唔落山。 � 《陰陽路》現實版:得罪好兄弟,竟無啦啦分到兩千萬? 錄音製作 | 灣區判官 聲音編輯 | 判官女郎 聯絡方式 | gba.hunter167@gmail.com 今晚開庭:萬聖節同盂蘭節,把口真係唔好亂講! 歡迎喺評論區留言同我們一齊開堂審案!

  • #20
    October 28 · 8 min

    [粤语]2-深圳禁鳴 | 管得太闊,定係管錯隔籬?| 電雞多到爆,你叫我點忍!

    11月1號起深圳「禁止鳴笛」,但面對神出鬼沒、逆行、邊刷抖音邊衝過嚟嘅「電雞大軍」,唔按喇叭難道要大聲喊? 今期《灣區判官》獨角戲,判官vs電雞嘅血淚史! � 喇叭係救命工具,唔係禮貌用語! � 電雞嘅「量子力學移動法」:你永遠不知佢下一秒喺邊衝出來。 � 治標不治本?拔咗警報器電池唔代表冇漏水! 錄音製作| 灣區判官 聲音編輯 |判官女郎 聯絡方式| gba.hunter167@gmail.com 歡迎喺評論區留言同我們一齊開堂審案!

Showing 1–20 of 20 episodes