Biblían á mannamáli

Halldór Lár

Saga - Menning - Samhengi - Trú

Biblían á mannamáli er hlaðvarp, þar sem við lesum saman í Nýja testamentinu og ræðum textann á einföldu, skýru og lifandi máli. Við tengjum Gamla og Nýja testamentið; rýnum í Biblíuna með kærleikann að leiðarljósi; eigum viðtal við alls konar fólk og hressum upp á sálartetrið með góðum gullmola. Markmiðið er að gera þennan forna texta, sem hefur mótað menningu okkar og sögu, aðgengilegan fyrir alla.

Tónlist: Enginn elskar eins og þú - höf. Hjalti Gunnlaugsson

www.halldorlar.is

biblianam@outlook.com

Subscribe Listen in podnodRSS feed Show website

20 episodes
Updated Yesterday

Episodes20

Newest first

Yesterday · 22 min
Dagur 47 - Aðlaðandi velvild
Velkomin í þáttinn "Biblían á mannamáli" þar sem við förum í Galatabréfið: ágreininginn um lögmálið, umskurnina, náðina og trúna. Páli er mikið niðri fyrir og færir sín rök á móti umskurnarsinnum. Rætt er um meginstefnu bréfsins — réttlæting fyrir trú, frelsi í Kristi í stað lögmáls, og það hvernig náð og heilagur andi umbreyta lífi trúaðra.
Tuesday · 24 min
Dagur 46 - Það styttist í fyrsta bréfið
Til að byrja með rifjum við örstutt upp söguþráð Postulasögunnar fram að 16. kafla.. eða svo. Nú eru umskurnarsinnar á ferðalagi um Galatíu og Páll er ekki hress. Athygli beinist að ágreiningi um umskurn og lögmál Móse meðal ný-trúaðra og það styttist í það að Páll skrifi fyrsta bréfið sem finnst eftir hann í Nýja testamentinu. Páll skrifar bréfið til að verja fagnaðarerindið sem byggt er á Jesú Kristi einum - fagnaðarerindið sem hann boðaði.
July 31 · 30 min
Dagur 45 - Að sigra vígin
Þessi þáttur byggir á Sálmi 121 og hvetur okkur til að líta upp til Guðs þegar vandamál og háir múrar lífsins virðast óyfirstíganlegir. Sjónarhorn sögunnar er Jeríkó, þar sem Jósúa og þjóðin gekk og söng til að sjá kraft Guðs virka - en eitt er það sem margir missa af! Síðan er það lokahnykkurinn um fleininn í holdi Páls — mótstöðu innan kirkjunnar og ásakanir gegn boðun hans — og minnir á að náð Guðs nægir. Þátturinn sameinar sögulegar frásagnir og persónulega uppörvun: leita hjálpar hjá Guði, treysta náðinni og halda áfram í trú. Tónlist: Hjalti Gunnlaugsson www.halldorlar.is
July 28 · 29 min
Dagur 44 - Fleinn í holdið, en Náðin nægir
Velkomin í þáttinn „Biblían og mannamáli“ þar sem við ræðum um náðina, muninn á lögmáli og náð, og afleiðingar þess að meðtaka náð Krists í hjörtun. Við skoðum nokkur bréf Páls, til að finna þar ákveðið samhengi frásögunnar. Ekki síst skoðum við ágreininginn um umskurnina og „fleininn“ sem Páll barðist við og þá hvernig máttur Krists birtist í veikleika, þjáningum og umbótum. Kjarni þáttarins: náðin er ekki réttlæting til að lifa syndugu lífi, heldur kraftur sem frelsar, læknar og breytir lífi fólks.
July 24 · 30 min
Dagur 43 - Fundur sem skipti sköpum
Þessi þáttur fjallar um 15. kafla Postulasögunnar: menn frá Júdeu krefjast umskurðar fyrir heiðna trúaða í Antíokkíu og spratt upp hörð deila milli umskurnarsinna og Páls og Barnabasar. Málið leiddi til fundar í Jerúsalem þar sem Pétur, Jakob og postularnir ræddu og ákváðu að ekki skyldi krafist umskurðar af heiðnum kristnum. Atburðirnir varpa ljósi á þau átök sem áttu sér stað um lögmálið og náðina, og mótun frumkirkjunnar.
July 21 · 20 min
Dagur 42 - Von í þjáningunni
Velkomin í Biblían á mannamáli: við höldum áfram í Postulasögunni og skoðum áhrif kirkjunnar árin eftir dauða, upprisu og uppstigningu Krists. Þátturinn tengir sálm 107 og þemu um lífið sem skóla kærleika; þjáningu sem tímabundna; og innri endurnýjun sem leiðir til eilífrar vonar. Sögulínan fylgir Páli og Barnabasi í för þeirra og heimkomu til Antíokkíu. Þar segir einnig frá tilskipun Kládíusar, um brottrekstur Gyðinga frá Róm. Tónlist: Hjalti Gunnlaugsson www.halldorlar.is
July 18 · 37 min
Dagur 41 - Nær-dauða reynsla Páls postula
Þessi þáttur fjallar um ferðalag Páls og Barnabasar til Lýstru, þar sem þeir lækna lamaðan mann; eru ranglega dýrkaðir sem Seifur og Hermes; og Páll er síðan grýttur til dauða. Sagan kynnir einnig Tímóteus til sögunnar; lýsir því hvernig fyrstu kirkjurnar rísa, og tengir atburðina við bréf Páls síðar meir. Þátturinn skoðar líka þemu um nær-dauða reynslu, trú, þol, kærleika og það hvernig líf í Kristi breytir samfélagi og einstaklingum.
July 13 · 25 min
Dagur 40 - Davíð og týndi sonurinn
Þessi þáttur fjallar um það hvernig allir hrasa í lífinu og um mikilvægi þess að bregðast rétt við: viðurkenna mistök, rísa á fætur og treysta á náð Guðs til umbreytinga. Út frá dæmisögunni um týnda soninn og frá broti úr lífi Davíðs konungs, getum við lært um eðli Guðs og hversu mikilvægt það er að vakna til lífsins innra fyrir - það leiðir til lífs í kærleika.
June 26 · 30 min
Dagur 39 - Barnabas og Sál leggja í hann
Velkomin í Biblían á mannamáli. Í þessum þætti höldum við áfram ferð okkar um Postulasöguna. Nú fylgjumst við með fyrstu trúboðsferðinni, til Antíokkíu í Pisidíu, Kýpur og Perge. Við skoðum boðskapinn, mótspyrnu og kraftaverk — meðal annars snertingu á lífi fólks, eins og rómverska landsstjórans, Sergíusar Páls. Tónlist: Hjalti Gunnlaugsson www.halldorlar.is biblianam@outlook.com
June 23 · 31 min
Dagur 38 - Umskurnarmenn með þrýsting
Þessi þáttur segir frá vexti kirkjunnar í Antíokkíu (um 45–47 e.Kr.), hvernig Barnabas sækir Sál (Pál) til að þjálfa hann og byggja upp söfnuðinn. Í Antíokkíu er Jesúfólkið fyrst kallað kristið. Við fylgjumst með því hvernig hópur umskurnarmanna leggur hart að heiðin-kristnum, að halda lögmál Móse - og deilum sem af því hlutust, en líka jákvæðri niðurstöðu. Við lesum einnig um gríðarlega mikilvæga bænastund, þar sem Heilagi Andi velur og sendir þá tvo, Barnabas og Sál, í trúboð út um allt rómverska ríkið.
June 19 · 41 min
Dagur 37 - Allt að gerast og egóið að þvælast fyrir
Í þættinum er farið yfir kafla 11–12 í Postulasögunni: vöxt safnaðarins í Antíokkíu, Barnabas uppörvara og hvernig heiðingjar taka kristni við kraft anda Guðs. Agabus spámaður varar við hungursneyð og söfnun fer fram til aðstoðar Jesúfólkinu í Júdeu. Þá er fjallað um ofsóknir Heródesar Agrippa, aftöku Jakobs, fangelsun Péturs og undraverða lausn hans — auk ígrundunar um egóið og kærleikann; boðskap Jesú til okkar allra. Tónlist: Hjalti Gunnlaugsson www.halldorlar.is biblianam@outlook.com
June 16 · 24 min
Dagur 36 - Antíokkía
Velkomin í þáttinn okkar, Biblían á mannamáli. Í Molanum er fjallað um sekt og sektarkennd, fyrirgefningu Guðs í Kristi og líf án fordæmingar. Við förum einnig yfir upphaf kristniboðs á grísk-rómversku svæðunum og sérstakt mikilvægi borgarinnar Antíokkíu, sem vöggu kristninnar utan Ísraels. Jesúfólkið umbylti öllu með nýrri sýn á samfélag fólks. Tónlist: Hjalti Gunnlaugsson www.halldorlar.is biblianam@outlook.com
June 12 · 21 min
Dagur 35 - Pétur og Kornelíus
Í þessum þætti er sagt frá atburðum um árið 40 e.Kr.: Calígúla reyndi að valda uppnámi í Jerúsalem, sem ekki gekk eftir. Athyglin beinist að Pétri og heimsókn hans til Kornelíusar í Sesareu, þar sem hann prédikar um Jesú Krist. Pétur fær mjög sterk og sérstök skilaboð, sem boða byltingarkennd viðhorf. - margir taka trú á Jesú Krist. Menningarmúrar falla og brýr byggjast milli fólks. Kærleikur Guðs er sameinandi kraftur. Ekki voru þó allir ánægðir. Tónlist: Hjalti Gunnlaugsson www.halldorlar.is biblianam@outlook.com
June 9 · 31 min
Dagur 34 - Sál sér ljós af himni
Velkomin í Biblían á mannamáli, hlaðvarp fyrir lífið. Við förum um Nýja testamentið og erum nú í Postulasögunni: Sál hittir Jesús á veginum til Damaskus og umbreytist frá ofsækjanda í hetju trúarinnar. Þátturinn fjallar um ljósið af himni, sýnina, blinduna, Ananías og umbreytingu Sáls. Lykilatriði er tengingin milli Gamla og Nýja testamentisins. Nú er allt skoðað í ljósi Krists. Söguþráðurinn varpar ljósi á frumkirkjunna, kraft, djörfung og ofsóknir - sem á reyndar allt við enn þann dag í dag.
June 5 · 42 min
Dagur 33 - Sál og skrítið ferðalag Filippusar
Í þessum þætti er farið yfir atburði úr 8.kafla Postulasögunnar. Við fylgjumst með því hvernig Sál frá Tarsus tók til við að útrýma kirkjunni; hvernig útbreiðsla trúarinnar breyttist þegar Filippus boðaði í Samaríu; hvernig töframaðurinn Símon vildi kaupa kraft Heilags anda. Er hægt að kaupa, eða vinna sér inn gjafir Guðs? Við skoðum líka eitt skrítnasta ferðalag sem nokkur hefur tekið, þegar Filippus ferðaðist 30 km leið norður með strönd Ísraels.
May 29 · 35 min
Dagur 32 - Eldhugar og átök
Í þessum þætti er farið yfir kafla 5-7 í Postulasögunni. Þarna segir sagan okkur frá fyrstu árum kirkjunnar; hvernig Andi Guðs vann og starfaði; hvernig Orðið var boðað með táknum og undrum; hversu ört söfnuðurinn stækkaði. En, nærvera kirkjunnar olli miklum óróleika hjá ríkjandi aðilum og það leiddi til handtaka og ofsókna. Eldhugar kirkjunnar voru húðstrýktir og einn af fyrstu sjö djáknum kirkju heimsins, var líflátinn. Þetta er saga um trú, kraft og hvernig boðskapurinn breiddist út þrátt fyrir mótstöðu og ofsóknir.
May 26 · 22 min
Dagur 31 - Allt var nú breytt í Jerúsalem
Velkomin í "Biblían á mannamáli", hlaðvarp fyrir lífið. Kirkjan í Jerúsalem er farin af stað og nú gerast hlutirnir hratt. Í Postulasögunni 3-4 fáum við að sjá sýnishorn af lækningakrafti Guðs. Pétur og Jóhannes lækna lamaðan mann við musterið, sem vekur undrun og mikill fjöldi safnast saman. Pétur prédikar um Jesú Krist sem Messías, þar sem hann tengir boðskapinn við spádóma Gamla testamentisins. Yfirvöldum líkar ekki við það sem er að gerast og handtaka Pétur og Jóhannes. Kaflarnir lýsa líka uppbyggingu samfélagsins meðal trúaðra sem deila eigum og stuðla að vexti kirkjunnar. Jósef, síðar kallaður Barnabas, birtist nú í frásögunni, en hann átti eftir að koma mikið við sögu. Tónlist: Hjalti Gunnlaugsson www.halldorlar.is biblianam@outlook.com
May 22 · 56 min
Dagur 30 - Viðtal við Hafliða Kristinsson um hvítasunnuna
Ekki missa af þessu viðtali! Hafliði Kristinsson, fjölskylduráðgjafi og fyrrverandi forstöðumaður Hvítasunnukirkjunnar Fíladelfíu, segir frá krafti hvítasunnunnar í heiminum. Hann greinir frá uppruna og útbreiðslu hvítasunnuhreyfingarinnar, allt frá bandarískum vakningum og Azusa Street, til vaxtar í Brasilíu og á Íslandi. Þátturinn fjallar um verkan Heilags anda; tungual; persónulega reynslu og nærveru Guðs. Hafliði segir okkur frá framgangi hreyfingarinnar á Íslandi og hvers má vænta ef fólk heimsækir Fíladelfíukirkjuna á sunnudagsmorgni. Áhrif Anda Guðs eru mikil í lífi fólks og mótar mjög trúarlífið.
May 19 · 33 min
Dagur 29 - Pétur hressist heldur betur við
Velkomin í þáttinn þar sem við ræðum hvítasunnuna og það sem gerðist í Postulasögunni: komu Heilags anda; prédikun Péturs; staðfestingu á upprisu Krists og umbreytingu sem leiddi til þess að þrjú þúsund tóku trú á Jesú. Við skoðum hvernig Pétur breyttist frá afneitun til djörfungar; hvað upprisa Krists þýðir fyrir kristna trú og hvernig frumkirkjan lagði áherslu á lærdóm, samfélag, kvöldmáltíð og bænir. Að lokum segjum við frá gesti sem verður í næsta þætti, Hafliða Kristinssyni, sem mun fjalla um Hvítasunnukirkjuna á Íslandi.
May 15 · 30 min
Dagur 28 - Hvað gerðist eiginlega á hvítasunnudag?
Velkomin í Biblían á mannamáli. Molinn er úr Galatabréfinu og síðan ræðum við hvítasunnudaginn. Hvað gerðist eiginlega, hvernig tengist það uppskeruhátíð gyðinga og hvað er Guð að gera? Þátturinn ræðir örðugleika í trúnni, kærleika Guðs, nýjan sáttmála í blóði Jesú og merkingu þess sem gerðist — tungumál, kraft, samstöðu og kærleika. Tónlist: Hjalti Gunnlaugsson www.halldorlar.is biblianam@outlook.com