【專題研究】唔係你怕社交，係你怕「扮嘢」嗰種社交——何謂「軟社交」Soft Socializing？

你有冇試過：明明掛住朋友、好想見吓面，但一諗到要去聚會、要成晚「扮到好興奮」、要不停搵話題，就突然好攰，寧願留喺屋企？ 如果有，你唔孤僻，亦唔係有問題——而且全世界有一大班人，啱啱為呢種感受揾到一個名：「軟社交」（soft socializing）。 呢一集專題研究，啤啤同你拆呢個由 Gen Z 帶起、正在改變緊人點樣相處嘅新趨勢：咩係軟社交？點解一班人一齊煮飯、砌拼圖、甚至各自睇書坐埋一齊，可以比去酒吧派對更親近？佢又點樣回應緊我哋這個時代嘅「孤獨流行病」？ 更重要嘅係，呢個概念唔止關後生人事——佢畀返我哋所有人一個許可：連結，從來唔一定要大龍鳳。 你可以揀一種「肩並肩」、而唔係硬要「面對面」嘅相處。聽完呢一集，你會得到一個今個禮拜就試得嘅方法，令你見得返多啲人，而且，見得舒服。 🎙️ 啤啤說書——真人睇書，真人講書