Skip to content
Sign in
Artwork for IS-SALMI fuq KattoliċiLIVE.com
Religion & SpiritualityChristianity

IS-SALMI fuq KattoliċiLIVE.com

Kattoliċi LIVE

Spjegazzjoni u Qari ta' Kull Salm fl-Iskrittura Mqaddsa!
Salm ġdid kull nhar ta' Tnejn, Erbgħa u Ġimgħa!

Kitba tal-Papàs Martin Zammit, Kappillan tal-Parroċċa Griega Kattolika ta' Sidtna Marija ta' Damasku.

Produzzjoni ta' Kattoliċi LIVE għall-Kattoliċi Maltin.
Segwina fuq Instagram, Facebook u TikTok

Play
Open in
  • 5 episodes
  • Avg 4 min
  • Maltese

Episodes 5

NewestOldestLongest
All5Unplayed5In progress0Played0
  • April 14 · 4 min

    SALM 24

    24 (23). Id-daħla trijonfali ta' l-arka fit-tempju [S:24:1] Salm ta' David. Tal-Mulej hi l-art u kull ma fiha, id-dinja u kull ma jgħix fiha. [S:24:2] Għax hu fuq l-ibħra waqqafha, u fuq ix-xmajjar fis-sod qegħedha. [S:24:3] Min jista' jitla' fuq l-għolja tal-Mulej, min joqgħod fil-post imqaddes tiegħu? [S:24:4] Min għandu idejh indaf u qalbu safja, min ma jagħtix ruħu għall-frugħa, u anqas ma jaħlef bil-qerq. [S:24:5] Dan ikollu barka mingħand il-Mulej, u l-ħlas li ħaqqu minn Alla, is-Salvatur tiegħu. [S:24:6] Dan hu n-nisel ta' dawk li jfittxuh; li jfittxu 'l wiċċek, Alla ta' Ġakobb. [S:24:7] Intrefgħu, bibien, infetħu, intom bibien ta' dejjem, ħalli jidħol is-Sultan tal-glorja! [S:24:8] Min hu dan is-Sultan tal-glorja? Hu l-Mulej setgħan u qawwi, il-Mulej qawwi fit-taqbida. [S:24:9] Intrefgħu, bibien, infetħu, intom bibien ta' dejjem, ħalli jidħol is-Sultan tal-glorja! [S:24:10] Min hu dan is-Sultan tal-glorja? Hu l-Mulej ta' l-eżerċti: dan hu s-Sultan tal-glorja!

  • April 14 · 4 min

    SALM 3

    3. Tama fit-tiġrib [S:3:1] Salm ta' David, meta ħarab minn quddiem ibnu Absalom. [S:3:2] Kemm kotru, Mulej, l-għedewwa tiegħi! Ħafna huma dawk li qamu għalija; [S:3:3] ħafna huma dawk li jgħidu fuqi: "M'hemmx salvazzjoni għalih f'Alla!" [S:3:4] Imm'int, Mulej, tarka madwari, inti l-ġieħ tiegħi, int terfagħli rasi. [S:3:5] Jien b'leħen għoli l-Mulej insejjaħ; hu jweġibni mill-għolja mqaddsa tiegħu. [S:3:6] Immur nimtedd u norqod, u nqum, għax il-Mulej iżommni. [S:3:7] Ma nibżax minn poplu sħiħ li jinġema' madwari kontrija. [S:3:8] Qum, Mulej, salvani, Alla tiegħi! Int tajt bil-ħarta lill-għedewwa tiegħi kollha, lill-ħżiena kissirtilhom snienhom. [S:3:9] Tiegħek, Mulej, ir-rebħa; il-barka tiegħek fuq il-poplu tiegħek.

  • April 9 · 4 min

    SALM 2

    2. Is-saltna universali tal-Messija [S:2:1] Għaliex jixxewwxu l-ġnus, u l-popli jreddnu għal xejn? [S:2:2] Is-slaten ta' l-art iqumu, u l-kbarat jiftiehmu bejniethom kontra l-Mulej u l-Midluk tiegħu: [S:2:3] "Ħa nkissru l-ktajjen tagħhom, u ntajjru minn fuqna l-irbit tagħhom!" [S:2:4] Dak li hu fis-smewwiet jidħak bihom, il-Mulej biċ-ċajt jeħodhom. [S:2:5] Mbagħad ikellimhom bil-herra, bil-qilla tiegħu jkexkixhom: [S:2:6] "Għax jien għamiltu s-sultan tiegħi, fuq Sijon, l-għolja mqaddsa tiegħi!" [S:2:7] Irrid inxandar id-digriet tal-Mulej; hu qalli: "Ibni int, jien illum nissiltek. [S:2:8] Itlobni, u l-ġnus nagħtik b'wirtek, u truf l-art bi priża tiegħek. [S:2:9] B'virġa tal-ħadid int tkissirhom, bħal ġarra tal-fuħħar frak tagħmilhom. " [S:2:10] U issa, slaten, ifhmu sewwa; twiddbu, intom li taħkmu l-art. [S:2:11] Aqdu lill-Mulej bil-biża', u bir-rogħda riġlejh busu, [S:2:12] li ma jagħdabx u intom tinqerdu, għax malajr tixgħel il-qilla tiegħu. Hienja dawk kollha li jistkennu fih!

  • April 7 · 4 min

    SALM 1

    1. L-hena veru tal-bniedem [S:1:1] Hieni l-bniedem li ma jimxix fuq il-pariri tal-ħżiena, li ma jiqafx fi triq il-ħatjin, li ma joqgħodx fil-laqgħat taż-żeblieħa; [S:1:2] imma fil-liġi tal-Mulej hi l-għaxqa tiegħu, lejl u nhar jaħseb fil-liġi tiegħu. [S:1:3] Hu bħal siġra mħawwla ħdejn nixxigħat ta' l-ilma li tagħmel il-frott fi żmienha, u l-weraq tagħha ma jidbielx; hu jirnexxi f'kull ma jagħmel. [S:1:4] Mhux hekk il-ħżiena, mhux hekk; iżda huma bħal tibna li jtajjarha r-riħ. [S:1:5] Għalhekk il-ħżiena ma jifilħux għall-ħaqq, ma joqogħdux il-ħatja fil-ġemgħat tat-tajbin. [S:1:6] Għax triq it-tajbin il-Mulej jafha; imma triq il-ħżiena tintemm fix-xejn.

  • April 5 · 5 min

    SALM 30

    30 (31). Radd il-ħajr għall-ħelsien mill-mewt [S:30:1] Salm. Innu għad-Dedikazzjoni tat-Tempju. Ta' David. [S:30:2] Ngħollik, Mulej, għax erfajtni, u ma ferraħtx l-għedewwa tiegħi bija. [S:30:3] Mulej, Alla tiegħi, jien sejjaħtlek; sejjaħtlek, u int fejjaqtni. [S:30:4] Mulej, tellajtli mill-mewt 'il ruħi, ħlistni minn fost dawk li jinżlu fil-ħofra. [S:30:5] Għannu lill-Mulej, ħbieb tiegħu, faħħru l-isem imqaddes tiegħu. [S:30:6] Għax ftit iddum is-saħna tiegħu, iżda għomor sħiħ l-imħabba tiegħu. Fil-għaxija jidħol il-biki, fil-għodu jidwi l-għajat ta' ferħ. [S:30:7] Mela jien għedt fl-aħjar tiegħi: "Żgur li qatt ma niċċaqlaq! " [S:30:8] Mulej, bil-pjaċir tiegħek fuq muntanja qawwija qegħedtni; mbagħad ħbejt wiċċek minni, u jien tħawwadt għalkollox. [S:30:9] Lilek sejjaħt, Mulej; lil Sidi tlabt il-ħniena. [S:30:10] X'tieħu int jekk inkun mejjet, jekk jiena ninżel fil-qabar? Se jfaħħrek forsi t-trab? Se jxandar il-fedeltà tiegħek? [S:30:11] Ismagħni, Mulej, u ħenn għalija; kun, Mulej, l-għajnuna tiegħi. [S:30:12] Int bdilt fi żfin l-għali tiegħi, neżżajtni min-niket, bil-ferħ ħażżimtni. [S:30:13] Għalhekk ruħi tgħannilek bla heda; Mulej, Alla tiegħi, nfaħħrek għal dejjem!

Showing 1–5 of 5 episodes