transcript
show notes
股票戶口跳幾下，可能已經等於一間餐廳忙足一個月嘅利潤。
睇得多，真係會令人覺得：賺錢好似唔難，做生意係咪太慢？
但我每日返到舖頭，見到嘅係人工、食材、租金、損耗。同埋一張一張單，慢慢儲返嚟嘅利潤。
今集由美股升跌分化、韓股大幅回落，傾到美心同譚仔，再用我做餐飲嘅角度，拆吓「賺錢好容易」呢個錯覺。
韓國總統李在明近日亦發文，呼籲身處困境嘅人唔好放棄，尋找繼續生活嘅出路。帖文背景係自殺預防同債務支援，唔係專門回應股市，但令我諗到：當財務上遇到挫折，我哋點樣守住自己嘅方向？
升市嗰陣，容易將順風當成本事。
跌市嗰陣，又容易將一時虧損當成全盤失敗。
見到人哋賺錢，最怕係為咗追返一次錯失，打亂晒自己嘅節奏。
股票有升有跌。做生意，亦有好有壞。
我愈做愈覺得，持續創造收入、累積本金，同埋守住承受風險嘅能力，先係長久之道。
唔好因為一時獲利，就以為賺錢好容易；
亦唔好因為一時錯失，就急住證明自己。
賺錢可以慢，但唔好為咗快，連方向都迷失。
🎙️ WESINWEST 西股
親手賺過辛苦錢，會令人更識尊重投資風險。
#西股 #WESINWEST #廣東話Podcast #美股 #韓股 #投資心態 #餐飲創業 #美心 #譚仔
