transcript
show notes
法國示威、黃仁勳談英國，同移民嘅選擇
讀好書、努力工作、慢慢儲錢，將來就會過得好啲。
呢句說話，我哋由細聽到大。
但如果照住做咗好多年，生活依然冇乜改善，你仲會唔會相信？
今集由法國示威出發，講到黃仁勳最近對英國嘅評論：明明有人才、有好大學，卻容易諗得太多，錯失行動嘅機會。
呢個令我想問：
究竟係我哋唔敢試，定係失敗一次嘅代價，已經大到承受唔起？
有後盾嘅人，可以將失敗當經驗。
冇後盾嘅人，可能連停一個月收入都唔得。
同樣一句「勇敢啲」，唔同人聽落，重量可以差好遠。
我自己移居美國、做餐飲，每日面對收入、成本，同一個又一個選擇。亦令我愈來愈想問：我哋咁努力，究竟想換到啲乜？
係多啲錢？一個安穩嘅屋企？
定係有一日，可以有底氣選擇自己想過嘅生活？
搬去另一個國家，可能有新機會，亦有另一套壓力。真正要問嘅係：去到嗰度，我嘅努力，會唔會更容易換到自己想要嘅生活？
由個人選擇，到政府政策，今集想傾嘅都係同一件事：
點樣先可以令付出有累積，令想試嘅人有機會，令年輕人對將來仲有期待？
🎙️ WESINWEST 西股
人最怕嘅，係努力咗好多年，都睇唔到自己有多一個選擇。
#西股 #WESINWEST #廣東話Podcast #法國 #英國 #黃仁勳 #年輕人 #移民生活 #創業 #人生選擇
