transcript
show notes
歡迎嚟到《港識多史》全新開檔嘅足球傾偈節目 ： 史波架撐多！由大埔洛里斯Godfrey 同埋堅稱自己係「大衛施華」嘅死忠利物浦球迷 Brian，準備一路飲嘢一路同大家吹水。
我哋同出面啲波台有咩唔同？就係我哋會大膽試吓用「歷史學觀點」嚟講現代足球！
今集精華重點：
本地波花生： 閒聊吓大衛施華加盟「沙田至尊」踢一場嘅傳聞，同埋香港隊贏東盟盃背後嘅足總選票考量。
歷史角度睇「美朗之爭」： 唔玩非黑即白，我哋試吓用「亞軍歷史學」同「反輝格史觀」去拆解美斯同 C朗拿度嘅球王大戰。到底神級地位入面，有幾多係關運氣、球證誤判、公關 PR 同隊友發揮事？
金球獎大預測： Ballon d'Or 快將揭曉，到底係也馬、雲尼素斯，定係「天地有正氣」嘅哈利簡尼成功登基？
準備好你嘅啤酒或者咖啡，即刻撳入嚟聽吓我哋點樣九唔搭八咁用歷史講波啦！
